Ledicia, a mellor banda de gaitas

G. P. - MOS A mosense Banda de Gaitas Ledicia pode considerarse oficialmente a mellor banda de gaitas de Galicia tras lograr o primeiro posto na XXII Liga Galega de Bandas de Gaitas, organizada pola Federación Galega de Bandas de Gaitas.
Con motivo do premio, os membros da agrupación musical e campións galegos, xunto co seu director e mestre, Hipólito Cabezas Gómez, foron recibidos onte pola alcaldesa de Mos, Nidia Arévalo, pola edil de Cultura, Sara Cebreiro, e varios membros máis da corporación municipal, entre eles concelleiras de goberno e oposición.
845,35 puntos
A banda Ledicia competiu en Lalín na Liga Galega de Bandas de Gaitas xunto á Banda de Gaitas Concello de Fornelos de Montes, polo que onte acudiron xuntas á recepción no Concello de Mos. Ledicia conseguiu na Liga un total de 845,35 puntos que a fixeron ganadora, fronte aos 830,85 puntos conseguidos pola 2ª clasificada, a Banda de Gaitas de Candás.
A Banda de Gaitas Ledicia fundouse no ano 1982 e está composta por 45 membros. Na actualidade a súa repertorio está integrado por pezas tradicionais, algunhas recolleitas nos cancioneros "Castro San Pedro", "Bal" e "Gay", pezas de autores contemporáneos, composicións propias da banda e tamén posúen na súa repertorio pezas de música tradicionais doutros países. Todas elas arranxadas pola propia banda.
Premios desde 2002
Desde o ano 2002 a Banda de Gaitas Ledicia lévase clasificando nos primeiros postos do 1º Grado na Liga Galega de Bandas de Gaitas. Así, en 2002, 2003, foi a 1ª clasificada no 1º Grado, no 2004, 2005 e en 2011 foi 2ª Clasificada no 1º Grado e este ano 2012 é, de novo, primeiro clasificada no 1º Grado. Ademais "Ledicia" conta tamén cun traballo discográfico titulado "En dez anos", que foi editado polo selo Sonifolk.
A regidora local felicitou aos 45 integrantes da Banda xunto co seu director polo complicado traballo realizado pese a súa mocidade, "que é o que os fai merecedores de tantos premios como teñen ás súas costas", dixo Arévalo. Tamén Cabezas mostrouse orgulloso dos seus alumnos, dos que recoñeceu o esforzo realizado para conseguir ese primeiro posto na Liga Galega de Bandas de Gaitas, motivo polo quefueron homenajeados no consistorio.