Tolos polas entradas

J. ALVAREZ Balaídos converterase nunha verdadeira festa na última xornada de Liga . Será o segundo cheo da tempada, despois do derbi co Deportivo, e a importancia do punto que se xogan os de Herrera para subir a Primeira desatou a tolemia polas entradas do partido.

Esta semana viamos como a xente acumulábase nas colas das taquillas de Balaídos, ávidas por conseguir unha das entradas máis desexadas do ano. Os afortunados que facían cola non sabían que, coa compra, compraran un obxecto desexado na reventa.

Afeccionados con entradas na súa poder elixiron a inmediatez de Twitter e Facebook para ofrecer as súas entradas a cambio de diñeiro ou, cambiar as entradas de asento ao adquirir unhas que non eran do seu interese. Hainos ata que recorreron a medidas tan drásticas como raparse o pelo co escudo do Celta preguntando aos medios si poderían regalarlle unha entrada.

Sexa como for, Balaídos colgará o cartel de cheo o domingo e registarará a súa mellor entrada en anos. Onte, deuse saída a varios centenares de localidades procedentes dos carnets baby que foron liberados e, ademais, se despacharon as entradas para Fondo, unha vez Estrela Galicia decidiu retirar a súa lona publicitaria de face ao choque dominical. Neste sentido, o club anunciou onte que os afeccionados que teñen entradas para Fondo Preferencia Lateral deberán cambialas antes do encontro por outras de Fondo por razóns de seguridade.