AJE Galicia quere fomentar o I+E+I entre os mozos

Innovación, Emprendimiento e Internacionalización (I+E+I) é o centro da campaña de apoio ás Pymes galegas promovida desde a entidade. Actividades de formación e eventos de intercambio empresarial serán as principais ferramentas que utilizarán para sentar as bases do que consideran será a "única solución posible á crise do país". O primeiro evento desta campaña será un taller de emprendimiento o próximo 4 de setembro

Vigo, 9 de agosto de 2012. A Asociación de Novos Empresarios (AJE) Galicia, inicia unha campaña para fomentar o I+E+I: Innovación, Emprendimiento e Internacionalización entre os mozos e as Pymes galegas. Tres alicerces fundamentais que consideran serán as bases para a "única solución posible" á crise que afronta o país.

Segundo explica Patricia García, presidenta da AJE galega, os eventos de formación e intercambio empresarial entre os propios asociados en Galicia e outras comunidades de España, serán as ferramentas principais que sustentarán esta campaña coa que esperan incrementar o apoio institucional que desde fai 20 anos vén dando a entidade aos emprendedores.

"Esta campaña estará enfocada en promover e difundir o denominado I+D+I entre os mozos e novos empresarios de Galicia. Estamos nun momento moi crítico da economía española, e non podemos pensar que todas as solucións virán desde a administración, que está vendo desbordados todos os esforzos. Os empresarios e emprendedores temos que tamén tomar acción e concientizarnos sobre o que de verdade implica ter unha empresa, e prepararnos para enfrontarnos a un escenario no que hai que dobrar os esforzos persoais, porque cada vez será máis difícil acceder a financiamento ou axudas públicas", explica.

O primeiro eixe da campaña é a Innovación, entendida como a mellora substancial baseada nun ou varios factores diferenciadores aplicados a un produto ou servizo existente de xeito tal que poida converterse nunha vantaxe fronte á competencia. "Non podemos seguir caendo no erro de acoutar a concepción da innovación a un plano tecnolóxico. Calquera vantaxe na logística, packaging, prazos de entrega poden ser factores diferenciadores e de éxito da nosa empresa€ O mercado é sensible a todas as fases do produto/servizo, así que temos que ser diferentes con eficiencia, para seguir na competencia", explica.

O segundo eixe estará enfocado no emprendimiento, pois con máis de cinco millóns e medio de parados en España e un sector produtivo con grandes dificultades de absorbelos nun breve prazo, faise cada vez máis necesario apostar polo autoempleo. "Queremos promover o emprendimiento, pero con cabeza. Non se trata de lanzarse á aventura e nada máis, porque emprender implica riscos económicos propios, hai que formarse, planificar, definir ben o produto ou servizo que queremos ofrecer€ Gestionar e motivar aos equipos, enfocar solucións cun enfoque critico constructivo, fomentar a colaboración, incentivar o intercambio de información son as virtudes que debemos desenvolver e facer aflorar en nós mesmos e os nosos colaboradores. Formarse nas habilidades e as competencias en materia de emprendimiento é imprescindible para que os nosos proxectos empresariais teñan garantía de éxito", apunta García.

O último eixe da campaña será a Internacionalización: ante a contracción do consumo interno informarase e incentivará aos emprendedores e empresarios galegos das opcións que ofrece o mercado exterior.

"Concibamos as nosas empresas desde unha perspectiva global. Competimos nun mundo globalizado no que os clientes son máis esixentes e a oferta é desmesurada. Pensemos no desenvolvemento de produtos e servizos que funcionen no maior número de territorios para que podamos competir en igualdade de condicións", destaca a portavoz da AJE galega.

A asociación asegura que o cronograma de actividades e eventos irase informando progresivamente. Polo momento, xa anuncian un taller de emprendimiento que se realizará o próximo 4 de setembro.