«O home do bosque» destaca a floración do allo silvestre en Galicia e reivindica o seu valor culinario

O divulgador David Eyo puxo en valor o allo silvestre ou «bágoas da Virxe» (Allium triquetrum), unha das plantas silvestres máis abundantes en Galicia, especialmente na área de Vigo, onde xa se atopa en plena floración. Explica que esta especie identifícase facilmente pola forma triangular dos seus talos, «absolutamente inconfundible», e destaca o seu interese culinario e ecolóxico. Todas as súas partes, follas, flores, talos, raíces e pequenos bulbos; son comestibles e poden consumirse en cru, en ensaladas, salteados ou en conserva. Conta cun sabor suave e doce que recorda ao allo. Ademais, atribúelle propiedades antibióticas e antisépticas similares ás do allo común. Advirte do seu carácter invasor, favorecido pola súa capacidade de propagarse tanto por bulbos como por sementes, estas últimas dispersadas por formigas mediante un mecanismo chamado mirmecocoria, que explica en parte a súa gran expansión polo territorio galego.