O cuartel de Cambados inicia a súa conta atrás

Tras anos de idas e vindas, cunha demolición e unha paralización por no medio, o cuartel da Garda Civil de Cambados parece que xa se atopa encamiñado cara á súa construción. O subdelegado do Goberno en Pontevedra, Abel Losada, anunciaba na mañá deste mércores que a Sociedade de Infraestruturas e Equipamentos Penais e da Seguridade do Estado (Siepse) iniciou onte as obras desta infraestrutura que levan anos agardando na vila do albariño.

Técnicos desta entidade estiveron o martes revisando a parcela sobre a que se vai a construír o edificio e, nos próximos días, desembarcará a empresa responsable d ela obra para comezar unha actuación que deberá estar finiquitada no prazo de 18 meses e na que o Estado vai investir 9,4 millóns de euros. O propio subdelegado do Goberno apunta que esta obra, unha vez finalizada, vai supor «un salto cualitativo na presenza da Garda Civil nunha comarca crave para o turismo en Galicia, e que merece dispor dun cuartel á altura das circunstancias, onde mñás d eun centenar de axentes teñan unhas instalacións adeucadas, modernas e funcionais».

Losada considera o inicio d ela sobras case como un reto persoal cumprido. Non en balde, reucerda que "tomei posesión hai dous anos e medio e unha das primeiras chamadas que recibín foi a do alcalde de Cambados, Smauel Lago, para porme ao corrente de que as obras do cuartel levaban demasiado tempo paradas; pouco despois de esa conversación, rescindiuse o contrato da anterior empresa e iniciouse este novo proceso».

Nel, Losada enxalza a colaboración mostrada polo Concello, a Comandancia da Garda Civil en Pontrevedra e a xerencia da Siepse par aque a obra volvese licitar, «un traballo que culmina hoxe cun proxecto que soluciona as deficinecias na cimentacxión do anterior, un traballo que mostra como funciona a colaboración institucional, porque o rexedor de Cambados non parou de enviar documentación para wque pudiésmeos completar os trámites; outros optasen pola confrontación e o titular baleiro, pero Lago optou polo traballo en común».

Losada finalizou a súa intervención explicando que «sinto unha sensación agridoce, por unha banda, polo gran investimento que se vai a trealizar, pero polo outro, debo pedifr desculpas aos veciños de Cambados por este atraso, xa que o cuartel debería estar terminado e en funcionamento».

O novo cuartel levantarase sobre a mesma parcela da rúa Valle-Inclán de Cambados, onde se situsaba o antigo edificio, terá unha superficie duns 2.200 metros cadrados e acollerá a máis dun centenar de efectivos de distintas especialidades, contando con persoal de Patrullas de Protección da Natureza (PAPRONA), tamén da Policía Xudicial e Fiscal e Fronteiras (PAFIF), entre outros corpos de seguridade. En total, 131 efectivos da Garda Civil que se encargarán de cubrir toda a comarca do Salnés.

En canto á distribución dos seus usos, o cuartel contará na súa planta baixa coas dependencias de atención ao público, isto é, as oficinas de dilixencias, as de intervención de armas, a área de atención cidadá e a EMUME, de atención a mulleres e menores de idade. O edificio disporá de cinco calabozos, espazo para 37 vehículos oficiais e ata 16 pavillóns.

O novo cuartel tiña que estar terminado en 2023, pero as obras torcéronse desde o principio debido aos problemas xeolóxicos. A cimentación converteuse nun imposible e desde o seu inicio, no verán de 2022, as paralizacións sucedéronse e viviuse un incremento considerable do orzamento, pasando dos seis millóns iniciais aos nove.

Subscríbeche para seguir lendo