Retiran a rede anticaídas do viaduto da Mó na Autovía de Morrazo tras as obras de mantemento

A rede azul anticaídas que se colocou durante as obras do desdobramento do corredor de Morrazo CG-4.1 a Autovía AG-46 no viaduto da Mó, en Meira, situado no medio dos outros dous viadutos de Domaio e da Fraga, deixou de formar parte da paisaxe desta estrada. A Consellería de Infraestruturas optou por retirar esta malla, sete anos despois, co gallo de as obras de mantemento do viaduto para revisar e repor neoprenos, debido a que se atoparon cunha rede totalmente furada cuxa función xa non cumpría, que era a de evitar que algunha persoa caese ao baleiro polo oco do viaduto , a unha altura de ata 50 metros. Se un condutor ou ocupante dun vehículo optase por saltar o valo para porse a salvo dun atropelo na mediana, ía caer ao baleiro igualmente coa rede que estaba porque tiña abertos uns buracos por onde se coaba unha persoa. Desde a Consellería de Infraestruturas confirman que «os técnicos determinaron que non é necesaria repola».

Os outros dous viadutos da Fraga e da Moura, este último en Domaio, contan cun sistema de protección anticaídas consistente nun tramex de rejilla ou armazón metálica, algo máis duradeiro que a rede, que é máis feble.

Fuentes consultadas aseguran que non hai obrigación de que os viadutos inclúan este tipo de sistemas anticaídas que en viadutos de Galicia fóronse colocando debido a accidentes ocorridos de persoas que pensaban que se puñan a salvo dun atropelo na mediana e caían ao baleiro. Afortunadamente nunca ocorreu un contratempo destas características nun accidente de tráfico, otrra cuestión distinta foi o acceso dalgunha persoa por propia vontade.

En canto ás obras de mantemento dos viadutos, que comezaron en setembro no da Mó e seguiron en outubro no da Fraga, están centradas agora no viaduto da Moura, en Domaio onde hai desvíos da circulación en sentido decreciente cara a Rande polo carril esquerdo no tramo do túnel de Montealagre. Neste tramose circula por un só carril en ambos os sentidos de tráfico. As obras transcorren con normaldiad neste terceiro viaduto tras os accidentes por colisións ocorridos nos outros dous e por colisión con elementos das obras.

Subscríbeche para seguir lendo