El kart eléctrico de alumnos de la UVigo rodó por primera vez en la Plaza Mayor

Cinco estudantes da Universidade de Vigo, formados nos campus de Ourense (Enxeñería Aeronáutica) e de Pontevedra, fixeron realidade o que empezou como un soño. A segunda versión dun prototipo de baixo custo e alta tecnoloxía co que disputarán o Zero Emission Challenge en outubro rodou onte por primeira vez ante o público na súa estrea oficial na Praza Maior de Ourense. O propio alcalde subiuse ao prototipo de kart, ao ser o Concello una das administracións que colaborou no proxecto.

O núcleo do equipo está integrado por catro alumnos de segundo curso do Grao en Enxeñería Aeroespacial da Escola de Enxeñería Aeronáutica e do Espazo do campus de Ourense —Nicolás Outón, José Luis Penide, Carlos Vázquez e Pablo Álvaro Froiz— xunto con Guillermo Penide, estudante do IES Sánchez Cantón de Pontevedra.

O que comezou como unha idea informal entre un grupo de amigos apaixonados polo motor e a tecnoloxía converteuse nun proxecto de enxeñería de alcance internacional. Un equipo de estudantes vinculados á Universidade de Vigo está a desenvolver un kart eléctrico competitivo e de baixo custo co obxectivo de debutar o próximo mes de outubro en Viena (Austria), competindo no certame Zero Emission Challenge os días 21 e 22 de outubro. Para dar estrutura formal a este reto tecnolóxico e loxístico, os mozos constituíron a asociación xuvenil Ziptie Motorsport. Con este paso, convértense no primeiro equipo internacional en inscribirse nesta cita de mobilidade sostible. «A idea xurdiu inicialmente como unha proposta entre un grupo de amigos para construír un kart eléctrico co menor orzamento posible e sacarlle o maior potencial. Co tempo, o proxecto creceu en complexidade e retos, o que nos levou a constituírnos oficialmente como asociación», explican os integrantes de Ziptie Motorsport.

Dar o salto á competición europea obrigou a redeseñar o prototipo para adaptalo á normativa oficial da proba. Isto incluíu adaptar unha batería de menor voltaxe e implementar medidas de seguridade activas e pasivas máis estritas. Partiron do chasis dun kart de aluguer convencional, modificado mediante corte con amoladora e soldadura de arco para albergar o sistema eléctrico en lugar do motor de combustión orixinal. Adaptaron un motor de serie de 3 kW mediante un sistema de refrixeración líquida propia, logrando alcanzar unha potencia pico teórica próxima aos 15 kW.

Conta cunha batería principal de alta descarga, un controlador electrónico de velocidade de alta intensidade e batería auxiliar para elementos como luz de freo e a bomba do refrigerante.

Subscríbeche para seguir lendo