El servicio de Hematología y Hemoterapia del CHOP de Pontevedra, premio «Best in Class» 2026

A área sanitaria de Pontevedra e O Salnés recibiu este mércores en Santander un novo premio nacional «Best in Class» ao ser distinguidas as iniciativas asistenciais do servizo de Hematoloxía e Hemoterapia do Complexo Hospitalario de Pontevedra (CHOP).

Estes premios, convocados anualmente pola Cátedra de Innovación e Xestión Sanitaria da Universidade Rey Juan Carlos e a publicación especializada Gaceta Médica, recoñecen publicamente aos mellores servizos, unidades e procesos asistenciais de hospitais e centros de saúde de toda España, tanto públicos como privados, e destaca a excelencia na atención aos pacientes e o bo facer dos seus profesionais.

O servizo de Hematoloxía e Hemoterapia do CHOP recibe este premio nacional «Best in Class» que lle recoñece a súa excelencia na atención a pacientes, con especial incidencia nos tratamentos oncolóxicos, a calidade asistencial e a innovación con terapias CAR-T, así como a integración da investigación na práctica clínica.

O galardón recolleuno a xefa de servizo de Hematoloxía e Hemoterapia, Ana María Divos Loureiro, quen asegurou que «o Premio Best in Class nesta categoría é un recoñecemento a un servizo que cre firmemente no paciente como centro da atención. Traballamos nun servizo público de saúde que é referente, e grazas a iso podemos abordar casos complexos ou facer innovación e investigación; pero o que de verdade nos fai especiais é o xeito na que acompañamos e tratamos aos nosos enfermos».

No transcurso da súa intervención Ana María Divos tamén dedicou unhas palabras de homenaxe e agradecemento ao exemplar traballo de equipo desenvolvido día a día polo servizo de Hematoloxía e Hemoterapia do complexo hospitalario pontevedrés.

Ao acto oficial de entrega dos premios nacionais «Best in Class», que este ano 2026 alcanzou o seu vixésimo primeira edición, cunha gala honorífica celebrada no Palacio da Madalena de Santander, asistiu unha delegación da área sanitaria de Pontevedra e O Salnés composta por responsables do servizo de Hematoloxía e Hemoterapia premiado e membros do equipo directivo, co xerente José Flores Arias a cargo de este colectivo de profesionais.

A concesión dos premios nacionais «Best in Class» baséase na puntuación obtida polos candidatos co Índice de Calidade Asistencial ao Paciente (ICAP) que se establece a partir da análise multivariable dos datos recolleitos nos cuestionarios de autoevaluación cobertos polos centros hospitalarios e de Atención Primaria e que, posteriormente, avaliase por un comité nacional de expertos.

Nas súas respectivas categorías, en total foron nove os servizos e campos asistenciais da área sanitaria de Pontevedra e O Salnés os que resultaron elixidos finalistas aos premios «Best in Class» 2026: o premiado servizo de Hematoloxía e Hemoterapia do Complexo Hospitalario pontevedrés xunto cos servizos de Cardioloxía, Dermatoloxía, Urxencias, Endocrinoloxía, Microbioloxía e a unidade de Obesidade.

Así mesmo, quedaron finalistas a estes galardóns o propio CHOP como mellor hospital de alta complexidade e a Atención Primaria da área sanitaria como organización integrada.

Subscríbeche para seguir lendo